நாடகப்பள்ளி (The Dance School)

இது வரை கவிதை, corporate என்று காமெடி செய்து கொண்டிருந்த நான் இப்பொழுது உண்மையாகவே ஒரு நகைச்சுவை பதிவு எழுத முயன்றுள்ளேன்...மறக்காமல் உங்கள் கருத்துக்க்களை பதிவு செய்திடவும். இன்று ஒரு நாடகப்பள்ளியில் ஒரு நாள் சென்று வாழ்ந்து பார்போம். 

நம் கதையின் நாயகன், சக்கரத்தாழ்வார், இது அவரின் முழுப்பெயர். சக்கு. இது அவர் பாட்டி அவருக்கு வைத்த பெயர். இவர் தூய சங்கத் தமிழில் தான் பேசுவார்,இவர் பாட்டி தூய சென்னை தமிழில் தான் பேசுவாள். இவரை சக்கு மாமா, சக்கு மாமா என்று கூப்பிட்டு சிரிப்பது தான் அந்த காலினி குழந்தைகளின் பொழுதுபோக்கு, நம்ம சக்கு பார்பதற்கு பாகவதர் போல இருந்தாலும், ஆளு  பயங்கர காமெடி பீஸ். ( நகைச்சவை பொருள்..:) )

காலை 6.30:
சக்கு எப்பொழுதும் போல் தலை கீழாக நின்றபடி பூமியை பார்த்துக்கொண்டிருந்தார். யாரும் பதற வேண்டாம், காலை எழுந்தவுடன் இப்படி நின்றால், உடலில் உள்ள இரத்தம் முழுவதும் மண்டையை தாக்கி, மூளையை எழுப்புமாம். இது சக்குவின் நம்பிக்கை, ஆனால் அதுக்கெல்லாம்  மொதல்ல மூளை வேண்டும் என்று கலாய்க்கும் பாட்டியை கண்டுகொள்ள மாட்டான் சக்கு. 

சக்கு: என்ன நேரமாச்சு இன்னும் என் சிஷ்யர்கள் யாரும் வரவில்லை?
சக்கு பாட்டி: டே மனசாட்சி இல்லாதவனே, இப்டி சிஷ்யா பிஷ்யானு உளறி உளறி வர ஒன்னு ரெண்டு நாதாரிகளையும் தொரத்திவிட்டுடாத...
சக்கு: உனக்கு தெரியாது பாட்டி, பரதம் ஒரு கலை, அது எல்லோருக்கும் அருள் புரியாது.
சக்கு பாட்டி: ஆமா பரதம் நம்ம சென்ட்ரல் பாடிகாட் முனீஸ்வரன், பைக் ல எழுமிச்சம்பசம் இல்லேன்னா அருள் புரிய மாட்டேன்னு சொல்றதுக்கு...போடா டே...
சக்கு: சீ சீ அபச்சாரம் அபச்சாரம், லோகத்துல யாருக்கும் பொறுப்பில்ல, யாருக்கும் தயவில்ல...
சக்கு பாட்டி: பக்கி உன்னக்கு கூட தான் மூளையில்லை, நேத்து நீ மாஞ்சி மாஞ்சி அந்நியன் படம் பாக்கும் போதே தெரியும்டா, நீ இப்டிதான் காலைல சீன் போடுவேனு...

இவர்கள் பேசிக்கொண்டிருக்கும் பொழுதே, வாசலில் ஒரு குரல், "மாமா...மாமா...".

சக்கு: யாருப்பா அது... ?
சக்கு பாட்டி: ம்ம்ம்ம்....முஷ்ராப்ப்...எல்லான் அந்த சொங்கி சொமுவாதான் இருக்கும், 8th தான் படிக்கிறான், ஆனா நித்யானந்தா ரேஞ்சுக்கு இருக்கான். இவர் வாத்தியாரு, அவரு ஸ்டுடென்ட், நல்ல காம்பினேஷன்டா சாமி...
சக்கு: பாட்டி அந்த பையன் என் பிரதான சீடன், அவன பத்தி தப்ப பேசாதே...
சக்கு பாட்டி: பிரதான...சீடனா... உனக்கு இருக்குறது ஒரே ஒரே சீடன் தாண்டா...அவன எதுக்கு பிரதம மந்திரியாக்குற?
சக்கு: உனக்கு வேற வேலையே இல்ல பாட்டி, வாசலை நோக்கி, உள்ள வாபா சோமு.
சோமு: வணக்கம் மாமா...எப்படி இருக்கேள்?
சக்கு: நல்லா இருக்கேன்பா..ஆத்துல எல்லாரும் எப்படி இருக்கா?
சக்கு பாட்டி (மனசுக்குள்): எல்லாம் கோத்ரேஜ் பீரோ மாறி இருக்கா...இவன் தங்கச்சி புடிச்சு வெச்ச புள்ளையார் மாறி இருக்கா, இவன் பெருச்சாளி மாறி இருக்கான்...
சோமு: நன்னா இருக்கா மாமா, பாடத்த ஆரம்பிக்கலாமா?
சக்கு: "கண்டிப்பா கண்ணா", பாட்டியை நோக்கி, "பரதம் மேல என்ன ஒரு பக்தி பாத்தேளா?".
சக்கு பாட்டி: கன்றாவி, நீ போட்ற மொக்கைக்கு, உன் டான்சே பரவாலேன்னு முடிவேடுதுட்டான்...
சக்கு: இன்றைக்கு நாம் ஆதி தாளம் பாப்போமா?
சோமு: ஆதி படம் அந்த அளவுக்கு நல்லா இல்ல மாமா, ஆனா தாளம் சூப்பர் படம் மாமா, என்ன தான் டப்பிங் படமா இருந்தாலும் ஐஸ்வர்யா ராய் என்னம்மா ஆடியுருப்பா தெரியுமா?
சக்கு: அசடு அசடு, பாவம், தாளம், ஸ்ருதி  இதெல்லாம் உனக்கு எங்கே தெரியப்போது?
சோமு: மாமா சும்மா என்ன கொறைச்சு எடை போடதேள் மாமா, என்னக்கும் ஸ்ருதி தெரியும்...
சக்கு: அடடே...கொச்ச்சிகாதேடா சோமு, ஸ்ருதி பத்தி உன்னக்கு என்ன தெரியுமோ சொல்லு...
சோமு: ஸ்ருதி, வயது: வயதுக்கு வந்த வயது, உயரம்: என்ன விட குள்ளம், உங்கள விட உயரம், விலாசம்: எங்காத்துக்கு பக்கத்து ஆம், நிறம்: மாநிறம், உருவ அமைப்பு: கும் தாதா...
சக்கு பாட்டி: டே...விட்டா ஜாதகம் பேசி முடிச்சிருவ போலருக்கே...
சக்கு: மண்டு மண்டு...நான் சொல்றது பாட்டுல வர ஸ்ருதி.
சோமு: அப்படி தெளிவா சொல்லணும்...
சக்கு: பரவாலேடா, நாம இங்கிலிஷ்ல பாடம் நடத்தலாம்...The most important ingredient of dance is grace.
சோமு: கூப்டா வருவாளா மாமா?
சக்கு: யாருடா?
சோமு: அதான் மாமா, கிரேஸ்...கருணாஸ் பொண்டாட்டி...அவா நன்னா பாடுவான்னு எனக்கு தெரியும். ஆனா கொஞ்சம் குண்டா இருப்பா மாமா, நம்ம வேணும்னா, அனுஷ்கா இல்ல ஹன்சிகா மொத்வானிய கேட்கலாமா?
சக்கு பாட்டி: நீ மொத்து வாங்காம போகமாட்ட போலருக்கே...
சக்கு: கட்டைல போறவனே...நீயெல்லாம் எதுக்குடா பரதம் கத்துக்குற? உன்ன ஒரு போட்டிகாவது அனுப்ப முடியுமா?
சக்கு பாட்டி: இதே கேள்விய அவன் திரும்பி கேட்டா என்ன ஆகும்? ..:)
சோமு: மாமா, நீங்க எனக்கு சொல்லிதறதே தப்பு...
சக்கு: ஏன்டா??

சோமு: டான்சுன்னா என்னன்னு தெரியுமா?
சக்கு: என்னடா??
சோமு: டான்சுணா, நடு ஸ்டேஜுல சட்டைய கழட்டனும், பாரங்கல்ல உடைக்கணும், கூட ஆடற பொண்ண  தூக்கி தண்ணியில போடணும், கயித்துல அவள புடிச்சிகிட்டு தலைகீழா தொங்கணும்...
சக்கு: அப்படியே அந்த கயித்துல உன் கழுத்த கட்டி உன்ன சாக விடனும்...
சோமு (கோபமாய்): மாமா உங்களுக்கு டான்சே தெரியல...நான் வேற மாஸ்டர் கிட்ட போறேன்...
சக்கு: வேற யாராண்ட அம்பி கத்துக்க போற?
சோமு: நம்ம லெவெலுக்கு ஒரு நமீதா, மும்தாஜ், மல்லிகா ஷெராவத், இது மாதிரி யார்கிட்டயாவது...நீங்க தான் மாமா சேத்துவிடனும்...
சக்கு பாட்டி: அடப்பாவி இதுக்கு தான் இவன இத்தன நாலா மாமா மாமான்னு கூப்டியா?

சக்கு தன் ஜடாமுடியை விரித்து, நான் கடவுள் ஆர்யாவாகும் சமயம், நம்ம சோமு எஸ்கேப்ப்ப்ப்ப்...

Comments

  1. itha patha own story mathiri theriyuthae saku ?sorry shankar !!!

    ReplyDelete

Post a Comment

Popular posts from this blog

Changing Timezone in Postgresql, Ubuntu

My 10 years in Application Development

Dissecting Openbravo 3.0 UI Architecture